Augatech

Innovación tecnolóxica para a xestión intelixente da auga

AugaTech é unha iniciativa impulsada por Augas de Galicia da Xunta de Galicia que ten como obxectivo desenvolver novas ferramentas tecnolóxicas baseadas en datos e intelixencia artificial para mellorar a xestión da auga e facilitar o acceso á información por parte da cidadanía.
O proxecto promove a aplicación de tecnoloxías avanzadas que permitan analizar, interpretar e visualizar grandes volumes de información relacionados co ciclo da auga, contribuíndo así a unha administración hidráulica máis eficiente, transparente e adaptada aos retos ambientais actuais.

Un proxecto para transformar a xestión da auga

A través de AugaTech búscase impulsar a innovación na administración da auga mediante a colaboración con empresas tecnolóxicas, universidades e centros de investigación. O programa promove o desenvolvemento de solucións que melloren a capacidade de análise, predición e toma de decisións na xestión dos recursos hídricos.